يا جينات الحنّيّه ( خليل كفوري )

يا جينات الحنيّه

مين اللي زرعك فيّي

ببسمه بدوب ومش عمتوب

ولا الحلوه اللي كلا طيوب

وبتهاجمني بأقسى حروب

بتقبل تعطيني مرّه

شي هدنه عسكريه

@

يا قلبي ليش ليّن

وضعيف كتير مبيّن

أفضل انك تقسى شوي

عشق الحلوين مش هيّن

ويا جينات المحبه

بيكفيني تزوّدوا غلبي

رح اقلعكم من قلبي

وأزرعكم فيها هيّي

@

رشقوا عليّي أقوى سهام

ما في مرّه قالوا : حرام

جابوا كل جينات العنف

ونزلوا فيّي انتقام

ذنبي انّي بسرعه بحب

وبمقالبهم دوم بطبّ

ولا بيشفى بعمليّه