الياس الرفيعة والجحشة بقلم ( أنطون اسبر )

الياس الرفيعة والجحشة
عنا الياس الرفيعة-----------هالجحشة ما بيبيعا
وشي بيحط علّيا جلال---------وشي بيحط التفريعا
عبيعا مانو رايد------------لو دفعولو المزايد
فصل فرشة استأجر بيت--------عند ابراهيم الكايد
وكّل بو الياس عليا-----------وبحبلة ربطولا جريا
ولمن فلتتها العجان-----------بلّش يبرم عليا
صوتا يا صوت الصداح--------لما بترعا بالمراح
بتطفر كل الرعوان-----------حتى بو عبدو الفتاح
بياخدا من بيتو دغري---------وبيطوولا بالبحري
بيقولولو شو بتفيد------------بيقلن مسند ضهري
قالولو اعطيها للزلمة-----------تيجيب عليا القرمة
قلن لاه يا عمي لاه-----------بدّا تركب هالحرمة
تعي اركبي يا أمور----------أحسن من ركب الشختور
اتعربشي وامسكي مليح--------أحسن ما تبرم ودور