موشح
فراقك جَمرَة يا سَمْرَه و قَلْبي مُعتاد
يْطَوِّل بالو عالجمرَة تا تصيرِ رْماد
***
حِبِّك قاضي و بيقاضي بإسم القانون
و جلّاد العِِشقِ الماضي سَيفو مَسْنون
و عِنْدِ القاضي المتغاضي الرَّحمة بتكون
عَمْتِبُدُل قَلبِ القاضي بْقلبِ الجلاد
****
كلّ ما عيونِكْ لِعْيوني ضِحْكو مْنِ بْعيد
بيِرْجَع يِزْهُرْ عَا غْصوني الوردِ منِ جديد
****
حكاية حِبِّك خَبِّيها بين شَمس وفَيّ
بخافِ النَّحلِة تِحكيها لْزَهراتِ الحَيّ
و الميِّ الْ صبَّيْتـيها خَلّــيها مَيّ
لا تْدِقِّي شفافِك فيها بتْصيرِ نْبيـدْ
**
بَيْتِك قَرْميدو تْعلّا وِ دْراجو زهُور
و عالعالي طواقو كِلّا انْفَتْحِِتْ للنُّور
و لو بيرجِّعني الله و بخلَق عَصفور
ما كنت بصيِّف إلا بْسَقفِ القَرْميد