مَرَا عا الباب
رَدّني سكّـر بوجـي البـاب بليلة شتي والتلج عا راسـي
و لا تعتذر لا تشرح الأسبـاب بفهم عليك و بعرفـك قاسـي
عندك رفاقـك ؟؟ لأ يـا كـذاب عندك مرا عمتشرب بكاسـي
منهيك تا نطّرتني عا البـاب و رجّعتني و جرحت إحساسي
شو عمتخبّرها ؟؟؟ الدنـي هيّـي و تضفر لها من الـورد شمسيّـه
شو ؟؟؟عمتمشط شعرها بإيديـك و تسقي قميصـا دمـوع حنيّـه
بكره بيشرق صبح تاني عليك و بتلفهـا بــأوراق منسـيّـه
و بتصير تزرعها قهر عا البـاب متل ما زرعت القهـر فيّـي
مجنون مش قادر تشوف الفـرق بإيدك قرار العفـو و الإعـدام
متل " الخليفة " الكان في هالشرق يطلب " حريم " القصر عا الأرقام
و عـا مخدتـو ينيّـم المحظيـه الكانت عليها القبل منهـا تنـام
لا يا خليفه بـأرض شرقيـه برفض . بقصرك كـون محظيـه
و برفض شموخي لرغبتك ينـذل بفضل الكرامـه العايشـه فيّـي
و متـل دوّار الشمـس رح ضـلّ ما دير وجهي غير صوب الشمس
