هي زغاريد حموية بقولوها النسوان بالأعراس
اوها يا عريس لا تعبس
اوها فريد البقجة والبس
اوها شورابك عروق الريحان
اوها وسوالفها عروق النرجس
لي لي لي ليش
******************
اوها ببيتنا رمانة
اوها حامضة ولفانة
اوها حلفنا ما منقطعها
اوها ليدخل عريسنا بالسلامة
لي لي لي ليش
*******************
اوها شو هالنهار اللايق
اوها وفرحتلنا الخلايق
اوها وطقت قلوب الاعادي
اوها ولمن حقت الحقايق
لي لي لي ليش
*******************
اوها ديارنا كبيرة
اوها ودرج الحمام فيها
اوها وام العريس فرحانة
اوها والله ربي يهنيها
لي لي لي ليش
*******************
اوها يا جماعة كلكن
اوها وما نسينا فضلكن
اوها واليوم عنا
اوها وان شاء الله بكرة عندكن
لي لي لي ليش
*******************
اوها العريس يا واحد
اوها اخوه يا تنين
اوها يا خرزة زرقا
اوها ترد عنهن العين
لي لي لي ليش..
**********************
أوها يا صحن رز بحليب
أوها كل ما برد بطيب
أوها كلنا أهلية
أوها و ما في حدا غريب
لي لي لي ليش..
******
اوها طبخنا لبنية وحشيناها شراطيط
اوها والناس بتنقط بالدهب
اوها ونحنا بنقط بالزلاغيط
لي لي لي ليش
**********
اوها ياما دبكو برجليهن
اوها ياما تغامزوا بعينيهن
اوها وقالو فلانة ما بتحبل
اوها حبلت وقلعت عينيهن
لي لي لي ليش
***********
اووها يا صحن تين
أووها مجلل بالياسمين
أووها وعروستنا حلوة
أووه وما طبقت العشرين