صارت شغلة ببيت برهوم ---------سمعا الموراني والروم
اتعلم ناظر عالتشريح---------بيطلعلو يدّرس علوم
وهيدي القصة منقولة-----وحابا فيا مطبولة
بو ماهر ميدق الكاس-----وراحت فيّا العجّولة
مرّكز عالنار العرقات-----------وعما يدكّش بالحطبات
صاحت حربا يا ناظر ----------جييتك سهّيرا عالبيت
دشّر من إيدو البرميل--------وقال مرّكز ما بيميل
وعندي السهرية بمليون----بصحبة عزيز ونبيل
راح يسلّم عحبابو -------------يلّلي بحديثو دابو
تارك عجولو فلتان---------------وسفلو مفتوحة بوابو
والعجل الإسمو زيدان---------------مقلحم عالمي وعطشان
وبدربو لاقا العرقات-------------وراح يكرعلك طنجرتان
ومن بعدا دندل راسو--------------وضرب خماسو بسداسو
وعالملون صار يشوف------------مين العم يشرب كاسو
ناظر دشر صحباتو-----------وراح تيكمل عرقاتو
لاقا عجولو زيدان--------فاتح كل جرياتو
ناظر صار براسو يميل------------وعجلو مطبل مثل الفيل
يلعن يومك يا عزيز----------------وكلشي خلق ببيت نبيل
صار يكويه ببصة نار-----------عجسمو داير مندار
وعجلو سارح بالأحلام----------مثل القاعدة عالفّوار
قال اتوفى هالمسكين-------------ويا حربا هاتي السكين
طلع براسي شيل الجلد----------وعا حقو الله بيعين
ايدو اسم الله ما بتميل----------وما بيطلعلو اسرائيل
ساعة يسب وساعة يقول---------دخيل هاللحمة دخيل
ناظر بلش بالتجريد--------------وإسعتو بالكار جديد
ووقت اللي وصّل بجريه----------فز العجل وقام جريد
والعجل تاري غميان----------------وع الدنيا مانو صحيان
حتى من عزية الروح-----------صوتو سمّع بو قبلان
