هور يا بو الهواراة-----------الكوسا جبنا أخبارا
هيدي العماتعبي طشطوط----- وهيدا الحامل سحارة
الله يستر يا ستار----------- والطبخة صارت عالنار
وان صارالطقس مرمان-------رح تقرطها هالغارة
شوية شوية يا شباب---------من هالكوسا قلبي داب
لكن ما عملتو الحساب-------مين بيزرع الخيارة
بركي انضربت هالكوسا------أرضك ما فيك دوسا
اسألو ابراهيم الموسا-------- وحق الاسما بربارة
الواحد للتاني ميقول---------بزّرع الكوسا شو مشغول
موحيجي ماصار الفول------ بدي أزرعلي شي شكارة
بركي الله بيجيبا-----------عيشتنا يلعن ديبا
مثل القاعد بزريبا---------وكل غراضو مشرشارة
بحارتنا في جوز نسوان----- راحو تيملو من العين
ميقولو لكن من وين-------- العالم ركبت سيارة
والجار بيعدي الجيري-------والشغلة صارت غيري
سمعتنا كل الديري---------من الشتى حتى الزارا
عنا بحارة بيت برهوم-------زرعو الكوسا بقلب التوم
وحق الموراني والروم-------الشغلة صارت جكار
أما الياس الرفيعة----------- معبا كل الزريعة
والكوسا بدو يبيعا-----------للمحاشي مقعوارا
متقول الحدادية------------ ومعاها الكركوتية
بدي أزرع يا خيي----------وانشا الله تكون معفارا
بذر مهجن بدنا نجيب--------بركي بنقلة بيعبا الجيب
بكرى اتفرج يا أديب---------لنبيعا عالحمارة
