وينا أيامك هلق يالشيخ محمود
فيك العشاق تلاقو وحبو العقود
وهيدا اللي ناطر حبو بين الديلات
وهيدا الميرد المتي ويدكش عود
وينا أيامك هلق يا لشيخ محمود
وهيدا الجايي وبايدو بيدونة مي
وهيدا الناطر يتشرب ويقلو خي
وهيدا الجايي تيلعب قطو المربوط
وينا أيامك هلق يا لشيخ محمود
وهيدا الجايي يتسلى وياكل دوام
وهيدا الجايي يتفيا وشي نتفة ينام
وهيدا الجايي يطلع عأرض خزام
وهيدا المعمر كوخ وناطر القلود
وينا أيامك هلق يا لشيخ محمود
هلق صرنا نتساءل وين الشبان
لي كانت تطلع عالشجرة بثانيتين
وتنقل من شجرة لشجرةاسماالله يا عان
فشر سعدان الهند وفشرت القرود
وينا أيامك هلق يا لشيخ محمود
وينا الحلوة الأمورة الكان تروح
تدرس بكتابا شوية وعن حبا تبوح
ترجع عبيتا الغيبة ولا بدا تروح
البيشوفا بيقول عنا مربوطة بعود
وينا أيامك هلق يا لشيخ محمود
وهيدا الصالي بايدو بارودت دك
متمنى يسمع كلمة لو كانت تك
ولك ويلي ما أحلى أيامك ياهالفشتك
ومحلا البودس يغني بقلب السارود
وينا أيامك هلق يا لشيخ محمود
