يا حبنا ( خليل كفوري )

يا حبنا ليش القسا يا حبنا

ليش الهنا ما يكون ملوى دربنا

والعمر يلي متل قصة حالمه

ليش الغنا ما يلوّنو والولدنا

@

لما ابتعدت وتظاهرت بالزعل

حبك بدمي متل شعله واشتعل

وضلو يرفرف حولنا طير الأمل

ماأجملو لما يرفرف حولنا

@

كنا تواعدنا عالحبه والوفا

شو اللي جرالك تا قلبتيها جفا

من يوم بعدك ما دقت طعم الغفا

وذكرك بقلبي جمر نار و مبيّنه

@

لما لمحتك من عشيه خاطره

خطر ببالي قولي ميّة خاطره

والحقل موّج بالزهور العاطره

والكون عيّد بلقانا وحبّنا