رح يدرج بالجمعية____________________ خبزاتك عالهوية
وكأنّ ياما شالله ______________________ مؤسسة عسكرية
عنّا شحود الطنوس___________________ عم يتهاوى وعمّ يلوص
بيعطي العندو10نفوس_________________ عشر خبزات عديّة
وبيضرب بعض جماعات_______________ عالمخفي بتلات ربطات
وبيفلن يالله عالبيت ___________________ وغنّو عالدلعونية
شوي شوي يا جمال__________________ عمهلك نتفة يا خال
زحّو نتفة هيكي المال_________________ الأسامة بالدورية
هاتو فراطة يا نسوان_________________ ما بعطي ربطة بالدين
وحاجي تقولولي من وين_______________ شوفو هالدكنجية
أما عندك اسرائيل __________________ بيرقصلا نتفة وبيميل
ولما ربطاتو بيشيل__________________ ما بيسئل عالباقية
بو كنجوونخلة السليم__________________بيعدو قد بيت حليم
لاتعملي سين وجيم__________________ ليش الفوضى ماشية
عقدوالجلسة ببيت ديوب_______________ لحتى تهدا الحروب
رغيفين للواحد محسوب_______________وما بيكفوا غدوية
الأسامة عالكرتونة _________________وبالعيطة جننتوني
زحّو نتفة دبحتوني_________________وطيرتو هالمالية
كلا من حسابي بتروح_______________ورح تطلع مني هالروح
نادولي عبيت مسوح________________وبعدن دغري شكرية
ما فينا نوزع عطول________________وكل واحد منا مشغول
حاجي هالعالم متقول________________ردّوا لفوزية
وجيب الربطةبيقيم________________وبيعيط لبيت نعيم
ولا تعملي سين وجيم_______________لسهام الشرطية