يا نحلة يا شفافة ------------مصي شفافا ولاتخافي
من شفاف قطفنا العسلات----------ومتل عسلاتا مافي
والبسمة بتضحك بكير---------وبتخلي العصفور يطير
حتى اللي نايم بسرير---------تزيدو بقوة وعافي
وسنانا سبحان الرب---------سحريا ودغري بتنحب
يا حب ملبس يا حب---------ريتن عالعيد ضيافي
والوجنات الوردية --------بتضوي عتم الشتوية
ومعها بتحلى السهرية-------وبتخلي الطرح دافي
وعيونا يا أحلى عيون---------فانوس بعتمة كانون
بتخلي العاقل مجنون----------ويركض وراها حافي
رموشا جيش من تتار----------عم يحرسها ليل نهار
بيتحدا ألسنة النار-----------وبيقلن دخلة ما في
