و هور يابو الهوارا وراح الشلوف يا خسارة
بو ميشو راتب وسوق
جايب من عندو شلوف
قلو لبو شكري شوف
ادبحلي ياه اعمل معروف
وبدي ياه يكون منتوف
لا فيو ريش ولا صوف
بالمنزل في عندي ضيوف
وبدا تجيني سهارا
وهور يا بو الهوارا وراح الشلوف يا خسارة
اسلقاه بايدو حكمت
وقلو هات من ايدك هات
صرلك ساعة ليش ما حكات
ما كنت المدبح مليت
وبقلب المدبح ما فات
وشلحو تحت السيارة
وهور يا بو الهوارا راح الشلوف يا خسارة
بو ميشو بقلب الدكان
فايت حتى يصفي الدين
عالمخفي جونا كلبين
ميقولو وين الأجرين
وكلب الياس بثانيتين
خطفو متل الطيارة
وهور يا بو الهوارا وراح الشلوف يا خسارة
كلب مرتب ما بيهاب
لو بدو ياكل دولاب
خطفو أبو الشباب
ودغري صفا ببيت بودياب
عم يطحش تيدق الباب
وعم يعطيهم إشارة
وهور يا بو الهوارا وراح الشلوف يا خسارة
ردوا عليه وقالو مين
يمكن عجان ملاعين
بو حداد قلن تخمين
هيدا فوكس يا مجانين
قولولي مين متلو مين
جايبلي معو تموين
ويا لله شعلو النارا
وهور يا بو الهوارا وراح الشلوف يا خسارة
فروج حامي ومثل النار
ويا عيني عأحلى جار
فروجو وصل عالدار
ويا زهرة هوي للنار
بدي طعمي هالحارة
وهور يا بو الهوارا وراح الشلوف يا خسارة
بو ميشو مبين مقهور
وبلش عالفروج يدور
سألو كمال ومنور
ورد وخبز عبشور
بأرض المفلوحة والبور
ميدور عليه دوارا
وهور يا بو اهوارا وراح الشلوف يا خسارة
فاتو عبيت بلاستيك
واسمع الضحك والتعليك
بسلة بو خلوق فريك
ضربو فيا أحلى زيك
وكل هيدا منشان الديك
استنفرت كل الحارة
وهور يا بو الهوارا وراح الشلوف يا خسارة
بو حداد الاسمو الياس
حالف بدو يشرب كاس
ويعمل حفلة عأساس
ويعزم فيا كل الناس
وكان بدو يجيب الرياس
الطبالة والزمارا
وهور يا بو الهوارا وراح الشلوف يا خسارة
ع بو شوكي نزل نزول
وصار يتمختر عرض وطول
وصار يعيط وصار يقول
صرلنا شهر مناكل فول
وما كلنا لحمة بطول
واتوصو فينا عطول
وخلو هيدي تذكارا
وهور يا بو الهوارا وراح الشلوف يا خسارة
