بكرى اتفرج بو سيمون لما بيطعم هالليمون
ليبيع قداير الله وشي بيهوي عالزيتون
ألفو الشعب حكايات لما باع الأرضايات
وصار يقولو كان وكان يخرب بيتو شو مجنون
بلش بيبيت بلاستيك وعليه اسمع التعليك
من قبل صياحو للديك الناس بتهرت هون وهون
بو نديم وبو جمال وسليم وصهر وكمال
ميقولولو ولك يا خال من بيتك طار النايلون
يخرب بيتك روح اركيد وحاجي تشبرلي بهالايد
المشمع اسعتو جديد رح يفقع مثل البالون
فوزي: وحق العدرا ومار الياس هالحكي مالو أساس
بيتمنوني أشرب كاس وامشي من دون بنطلون
فوزي: شو هالناس الحرارة الحسد والغيرة كارا
والله مالا دبارة غير عصاية بو أنطون
ميقولو لعيب قمار ومو عم يلفا ليل نهار
بدو كوي بسيخ النار ونركبلو جوز قرون
فوزي: أنا زميلي عنياتي بتكفيني أرضياتي
وان صحت خضرياتي لفرجيكم أحلى فنون
فوزي: ويلي إن طعمت هالكوسا صافيتا بدي دوسا
ولطعمي عيسى وموسى وكفا وهيهات وهلون
