الصبيّة الدلوعة بقلم ( أنطون اسبر )

مثل الطفل حاجي بقى تتكركجي

وتتمايلي وتتدلعي و تتطعوجي

سر الجمال مانو بكتر العنقصة

سرو بعقلك هي مابدا معالجة



حاجي بقا تتصنعي وتتمكيجي

وتتزوقي وعن الطبيعة تخرجي

يللي جمالا مصنّع وكلو رسم

ما بتنفعا أشياء كلا دبلجة



خيط الدلع حاجي بايدك تنسجي

صرت صبيّة وصار حلك تنضجي

عمرو الغنج ما كان أسلوبو حلو

وهيدي حقيقة من زمان مبرمجة



لبست البلوزة بسعر أغلى الأنسجة

ونسيت الوضع وأنت عم تتدرجي

لبست الكندرة أعلى من سبعة سنت ( سم )

حتى امام الناس صرت تعرجي